ФАРМАКОРЕЗИСТЕНТ ЭПИЛЕПСИЯ БИЛАН ОҒРИГАН БЕМОРЛАРНИ ДАВОЛАШ САМАРАДОРЛИГИНИ АНИҚЛАШ

Abstract

Аҳоли саломатлигини асраш, касалланиш кўрсаткичларини камайтириш, ўртача умр кўриш даражаси ва профессионал фаоллик даврининг ошиши,  ижтимоий фаолият ва яшаш сифати даражасининг ошиши ривожланган давлатларнинг ижтимоий сиёсий устувор вазифаларидан бири ҳисобланади [2, 4, 5]. Эпилепсия касаллигида унинг вақтинчалик ва доимий белгилари билан бир қаторда когнитив бузилишлар ҳам асосий ўрин эгаллаб, беморларни ижтимоий мослашувига тўсқинлик қилиши билан ажралиб туради. Эпилепсия билан оғриган беморларда умумий ва руҳий саломатлик, ҳаётийлик шкалаларида энг паст кўрсаткичлар қайд этилганлиги аниқланган [1, 3]Ҳозирги кунда ижтимоий фаолият ва яшаш сифати кўрсаткичларини баҳолаш беморларни ташҳислаш мезонлари сифатида эътироф этилмоқда [6]. Бу патология билан боғлиқ беморларни даволаш самарадорлигини баҳолаш долзарб масалалардан бири ҳисобланади.