EKSPERIMENTAL O‘PKA PNEVMOSKLEROZIDA BUYRAK MORFOLOGIYASI

Abstract

Klinik amaliyotda o‘pka to‘qimasining zararlanishidan keyin odam tanasida yuzaga keladigan patologik jarayonlarni bartaraf etishga alohida ahamiyat berilgan. Hozirgi kunda, klinik pulmanologiyaning turli muammolari orasida o‘pkaning fibroz kasalligi bilan kasallangan bemorlar sonining doimiy ravishda o‘sib borishi, kasallangan bemorlarga tashxis qo‘yishdagi qiyinchiliklar va davolash sxemalarning yetarli darajada ishlab chiqilmaganligi sababli dunyo tadqiqotchilarning diqqatini jalb etishi davom etib kelmoqda. Ayni damda, o‘pka fibrozi – bemorlarda nafas yetishmovchiligi va surunkali o‘pka yurak kasalligi hamda ichki organlarning ayniqsa, buyrak oshqozon-ichak tizimida yuzaga keladigan asoratlar diqqatga sazovor bo‘lib, bu holat kasallik mohiyatini oldindan bashorat qilish, bemorlar orasida nogironlik ulushini kamaytirishga qaratilgan chora-tadbirlarni amalga oshirish kerakligini talab etadi.