ISLOM MOLIYASIGA KIRISH

Abstract

Bandalarga moliyaviy muomalalarni halol yo‘llar bilan amalga oshirishni va harom yo‘llardan chetlanishni amr qilgan Alloh taologa bitmas tuganmas hamdu sanolar bo‘lsin!

Ummatlariga moliyaviy muomalalarni batafsil tushuntirib, ularni qanday amalga oshirishni ko‘rsatib bergan mahbub Payg‘ambarimizga mukammal va batamom salovotlar va durudlar bo‘lsin!

Har bir inson turmush taqozosi bilan hayotida doimiy ravishda moliyaviy muomalalarga duch keladi va bu muomalada ishtirok etadi. Aynan mana shu muomalalar jumlasiga savdo–sotiq, muzoraba va muzora’a kabilar shu jumlasigaga kiradi. Moliyaviy muomalalar tartibga solinmasa ularning qoidalari bo‘lmasa kishilar orasida kelishmovchiliklar ko‘payishi aniq va ravshan.